Nagapati ang isa ka legal strategist nga kinahanglan sundon ang probisyon sang 1987 Philippine Constitution sa voting threshold sa impeachment trial ni Vice President Sara Duterte.
Sa interview sang Bombo Radyo kay Atty. Dan Cartagena, iya ginpahayag nga delikado para sa pungsod kag sa gobyerno kun bag-uhon ang constitutional requirement sa conviction sa impeachment trial.
Suno kay Cartagena, ang Konstitusyon dapat mangibabaw sa proseso sang impeachment.
Indi, suno sa iya, dapat nga basta-basta lang nga mapanubo ang ginapatuman nga voting threshold bangud mahimo ini makaguba sa intergridad sang layi sang pungsod.
Ginpunto man sini nga sa 1987 Constitution, wala sang impeached official nga mahimo ma-convict kon wala ang concurrence sang two-thirds sang tanan nga miyembro sang Senado, kag bangud ginalakipan sang 24 ka miyembro ang Senado, nagakahulugan ini nga kinahanglan sang 16 ka boto agud ma-impeach ang isa ka opisyal ukon kaangay ni VP Sara Duterte.
