𝗜𝗟𝗢𝗜𝗟𝗢 —Gin-athag ni Atty. Dennis Ventilacion, ang Provincial Legal Officer sang Iloilo, nga ang Bids and Awards Committee sang provincial government nag-agi sa husto nga proseso sa paghatag sang kontrata sa Agricom Visayas, Inc. para sa pag-supply sang masobra P9 million nga abono sa mga rice producing cluster sa probinsiya.
Sa interview sang Bombo Radyo Iloilo kay Ventilacion, ang isyu nagsugod sang nagpadala ang JMC Trading sang sulat kay Iloilo Governor Arthur Defensor, Jr. nga nagapangabay nga usisahan kag imbestigaran ang natabo nga bidding process.
Suno kay Atty. Ventilacion, nalapas ang technical qualifications sang JMC Trading sa post-qualification stage apisar pa nga mas barato ang ila bid nga P5.5 milyon.
Ginpahayag man sini nga ang ila ginpanginahanglan nga abono amo ang inorganic nga fertilizer, nga indi qualified santp sa ginapatuman nga technical specs.
Wala man sila naka-comply sa requirement nga 25 percent single lowest completed contract (SLCC), bangod may yara lang sila sang P1.6 milyon para sa amo nga kontrata.
Ginpat-pat man ni Ventilacion nga una nga ginkanselar ang Agricom tungod kay ang ila nga gin-register ang inorganic nga fertilizer.
Bangod sini, nag-file ang Agricom sang motion for reconsideration sa Bids and Awards Committee agud i-review ang proseso kag ginpangayo-an ang Provincial Agriculture Office nga maghatag sang opinyon.
Nahibaluan naman nga ang JMC Trading ang wala na nag-file sang kapareho nga motion.
Nagpanindugan man si Atty. Ventilacion nga pareho kag husto ang pagtratar sa tanan nga mga supplier sa ila bidding process.
