ILOILO CITY – Wala sang labot si outgoing Iloilo City Mayor Jose Espinosa III sa delivery sang mga ginpamakal nga gamit ukon propidad ang Iloilo City Government.
Ini ang may kaangtanan sa ginpamakal nga salakyan, motorsiklo, drone kag computer set nga ginapahayag overpriced ukon tuman ka mahal.
Sa interview sang Bombo Radyo kay Iloilo City Administrator Atty. Hernando Galvez, iya ginpahayag nga wala nagapinagusto si Mayor Espinosa sa pagpamakal sang propidad gamit ang pondo sang syudad.
Ini bangud nga suno kay Atty. Galvez, may yara sang kontrata ang mga procured items kag ang tanan ang nag-agi man sa nagakaigo nga proseso kasubong sang bidding. Ang tagsa ka item nga ginbakal sang Iloilo City Government para sa City Disaster
Risk Reduction Management Council (CDRRMC) ang may yara sang purpose ukon tinutuyo.
Halimbawa suno sa natungdan amo ang ginbakal nga mga 4×4 pick-up truck nga gintigana para sa disaster purposes.
