Gin-appoint bilang full-pledge Regional Director sang Land Transportation Office (LTO) Region 6 si Atty. Gaudioso “Didoy” Geduspan II.
Sa interview sang Bombo Radyo kay Director Geduspan, iya ginpahayag nga dako ang iya pagpasalamat sa Ginoo sa pag-amlig sa mga katapo sang Land Transportation Office Region 6.
Suno kay Geduspan, 21 na siya ka tuig nga nagaserbisyo sa amo nga ahensya kag nagserbe man nga legal officer sa malawig nga tinuig.
Nagpasalamat man ang natungdan sa mga nagsuporta sa iya kag mangin sa LTO.
Gin-abi-abi man sang natungdan ang katapo sang media sa nangin kontribusyon sini sa pagwaragwag sang kamatuoran, reklamo man ukon kritisismo batok sa ahensya.
Nagsumpa si Geduspan sa Malacañang sa pagpanguna ni Executive Secretary Lucas P. Bersamin.
