ILOILO CITY – Ginakabig nga dako nga opurtunidad para kay Atty. Hansel Didulo ang pag-appoint sa iya bilang Assistant Secretary sang Office of the Presidential Assistant for the Visayas.
Sa interview sang Bombo Radyo kay Atty. Didulo, iya ginpahayag nga ang iya appointment ang isa ka dako nga opurtunidad agud nga makabulig ilabi na sa mga pumuluyo sang Visayas nga mangin malapit sa opisina sang presidente.
Lakip man sa iya tutukan amo ang pagpasiguro nga ang tanan nga proyekto sa opisina sang presidente ang napatuman kag napuslan sang publiko.
Dugang pa niya, magatutok siya sa Region VI bangud may yara man sang assistant secretaries sa iban nga rehiyon nga sakup sang Visayas.
Nagpasalamat naman ini sa presidente sa opurtunidad nga ginhatag sa iya.
Indi naman bag-o para sa iya ang amo nga trabaho bangud nangin assistant secretary man ini sa Department of Agriculture sa idalom sang administrasyon ni anay Presidente Rodrigo Duterte.
