Gin-ako ni former Iloilo City Mayor kag abogado nga si Atty. Jerry Treñas nga mabudlay nga balion ang desisyon sang Supreme Court may kaangtanan sa Articles of Impeachment batok kay Vice President Sara Duterte.
Kasunod ini sang pag-file sang kamara sang motion for reconsideration paagi sa Office of the Solicitor General agud baliskadon sang Korte Suprema ang ruling nga unconstitutional ang fourth impeachment complaint batok sa vice president.
Sa interview sang Bombo Radyo kay Atty. Treñas, iya ginpunto nga bangud unanimous ang amo nga desisyon sang pinakamataas nga hukmanan, tuman ka dako nga pagpanghangkat ini sa kamara.
Apang gin-ako naman ni Treñas nga sa iya panan-awan, may natabo nga judicial overreach.
Ang Judicial overreach amo ang sitwasyon kun sa diin ang judiciary ang naglapaw sa constitutionally assigned nga gahum sini kag nagpasilabot sa isyu nga iya sang executive ukon legislative branches sang gobyerno.
Matandaan nga ginpahayag ni House Speaker Martin Romualdez nga base sa nasaad sa konstitusyon, ang House of Representatives ang may exclusive power nga mag-initiate sang tanan nga kaso sang impeachment.
Suno kay Romualdez, ini nga gahum ang wala ginapakigbahin sa ibn kag indi subject sa pre-approval kag wala man dapat sang kondisyon.
Sa pihak sini, kumporme naman ang alkalde nga nag-file sang motion for reconsideration ang kamara agud malantaw liwat sang Supreme Court ang nasambit nga ruling.
