Si Batangas 1st District Rep. Leandro Leviste ang nagabantay sa iya iloy nga si Sen. Loren Legarda nga ginapahayag may ara sang malala nga medical condition nga rason man sang naga-extend nga medical leave sang senador.
Ini ang ginpahayag sang Spokesperson ni Legarda nga si Atty. Tony La Viña subong nga wala pa sa gihapon nakabalik ang duha, matapos ang mga ini nga nagpadulong sa France sang Agosto.
Suno kay La Viña, si Leviste gid ang padayun nga nagabantay kag naga-amoma sa iya iloy subong nga may ara ini sang ginabatyag nga nagakinahanglan gid sang nagakaigo nga atensyon.
Wala man sang ginhatag nga detalye ang abogado may kaangtanan sa ginabatyag sang senador nga madugay na man kuno sini nga gina-antos kag nagalala kun lang kun mastress ini.
Madumduman nga nagpadulong sagwa sang pungsod ang mag-iloy pila ka adlaw matapos nga ginsapubliko nga nagapadayun ang preliminary investigation sang Office of the Ombudsman sa ila may kaangtanan sa ginapahayag iregularidad sa solar-energy business ni Leviste.
