Gintawag ni Atty. Mans Carpio nga ‘collateral damage’ ang pag-ulamid sa iya ngalan sa nagapadayun nga impeachment trial sang iya asawa nga si Vice President Sara Duterte.
“Murag ako man gi-impeach da, wa sila makita kang Sara ba, maong murag collateral damage ko.”
Ini ang nangin kabahin sang mensahe ni Carpio kasunod sang ginlunsyar sang ila taga-suporta nga One Bukidnon for Sara Duterte Movement sa Valencia City Bukidnon.
Suno sa iya, wala sang may makita ang prosekusyon sa bise presidente, rason nga gindalahig na pati ang iya pangalan kun sa diin daw kaangay nga sya na ang luyag nga i-impeach.
Madumduman nga kabahin sa ginaimbestigaran sa senate impeachment court ang financial records ni Duterte kag Carpio bangud sa ginapahayag unexplained wealth sang bise presidente sa idalom sang Articles of Impeachment.
