Wala na sang plano pa si Komunidad ng Pamilya, Pasyente at Persons with Disabilities (P3PWD) party-list Rep. Atty. Rowena Guazon nga mag-apela sa desisyon sang Supreme Court en banc nga kakason ini bilang isa sa mga nominees sang partido.
Ang 131 ka pahina nga desisyon ang nabaton sang Commission on Elections (COMELEC) sang Myerkules, Nobyembre 20.
Sa desisyon nga ginsulat ni Associate Justice Ricardo Rosario, ginpaboran sang Supreme Court ang gin-file sang Duty to Energize the Republic Through the Enlightenment of the Youth (Duterte Youth) party-list nga nagadeklarar sa COMELEC resolution bilang null and void sa pag-substitute ni Guanzon bilang P3PWD nominee.
Ang Duterte Youth ang ginatiglawas sang ila anay chair nga si former National Youth Commission chairperson Ronald Cardema.
Matandaan nga sang Hunyo 2022, nag-isyu ang Supreme Court sang Temporary Restraining Order (TRO) sa pagpatuman sang COMELEC resolution nga nagapasugot kay Guanzon nga mag-substitute bilang number one nominee sang P3PWD party-list.
