Nag-courtesy visit sa talatapan ni Senator Raffy Tulfo sa Senado si Impeachment Court Spokesperson Atty. Reginald Tongol.
Ini agud magpaathag tuhoy sa nangin pahayag niya may kaangtanan sa petsa sang mangin desisyon sa impeachment case ni Vice President Sara Duterte.
Nauna na nga ginsiling ni Tongol sa media nga ginalauman nga makapagwa na sang pamatbat ang Impeachment Court sa Disyembre 16.
Ginsaway ini ni Senator-Judge Tulfo kahapon, October 5, bangud suno sa iya, ginapangunahan ukon gina-preempt sini ang desisyon sang mga senator-judges.
Ginpaathag ni Tongol kay Sen. Raffy nga ang Disyembre 16 ang isa ka calculation ukon projection lamang kag indi pinal nga deadline.
Bangud sini, nagpanugyan si Sen. Raffy kay Tongol nga mas mangin mahalong sa iya nga mga pahayag.
Nagpasalamat naman si Tongol kay Tulfo sa paggiya sa iya.
