Gin-aprubahan na sang Senado sa Australia ang isa ka landmark law nga dumilian nga maggamit sang social media ang kabataan nga wala pa nakatapak sa 16-anyos.
Sa idalom sini nga layi, pagamultahan sang tubtub sa US$32.5 million ukon P1.91-billion ang mga tech company kaangay sang Facebook, Instagram kag X nga indi mag-comply.
Suno kay Australian Prime Minister Anthony Albanese, kinahanglanon ini nga legislation agud nga protektahan ang mga bata sa halit nga dal-on sang social media kaangay sang peer pressure, pagpang-scam, kag anxiety.
Matapos nakuha ang 34 votes kag 19 ka pagpamatok sa Senado, igabalik ini sa House para sa pormalidad kag pinal nga approval apisar una naman ini nga ginsuportahan sang mga mamalidha.
May yara man sang mga kumpaniya nga hatagan sang exemptions kaangay sang WhatsApp kag YouTube nga mahimo gamiton sang teenagers sa recreation, school work kag iban pa nga mga importante nga rason.
May late amendments nga ginhimo para masiguro nga indi maggamit ang government-issued digital ID bilang paagi sa age verification.
Hulaton anay ang 12 ka bulan antes mapatuman ang mga detalye sang ban.
