𝗔𝗨𝗦𝗧𝗥𝗔𝗟𝗜𝗔 — Nagpakigbahin ang pungsod Australia sa international allies agud nga ikondena ang Beijing sa pagpang-atake sang China Coast Guard (PCG) sa Philippine Coast Guard (PCG) nga nagtuga sang pagkapilas sang pila ka mga Filipino nga navy kag pagkautod sang tudlo sang isa ka Philippine navy.
Sa interview sang Bombo Radyo kay Denmark Suede, Bombo International Correspondent sa Austaralia, iya ginpahayag nga nagpaguwa sang statement ang gobyerno sang Australia nga nagasuporta kag nagapanindugan sa Pilipinas sa kinamatarong sa West Philippine Sea.
Suno kay Suede, ang akto sang China ang isa ka pagpamahog sa seguridad, palangabuhian, kahilwayan, kag soberanya sang pungsod Pilipinas nga makapatuman sang operasyon sa amo nga teritoryo.
Ginpahayag man sini nga ginahingyo sang pungsod Australia si Australian ambassador to Manila Kyong Yu nga ipanawagan sa China nga sundon ang international law.
Dugang pa sang natungdang nga ginpakamalaut man sang Britain, Japan, France, South Korea kag Canada ang akto sang China nga ginlaragway nga isa ka ‘iresponsable’ nga tikang.
Nagapati si Suede nga may mga politiko sa Pilipinas ang naimpluwensyahan sang Chinese Government rason nga ‘sala sa lamig, sala sa init’ kun mag-impose sang layi batok sa China.
Sa interview sang Bombo Radyo kay Suede, iya ginpahayag nga may mga politicians nga na-infiltrate sang China, rason nga kinahanglan na nga wala sang may makasulod nga ‘Pro China’ nga botante sa gobyerno.
Suno kay Suede, may yara sang mga incumbent subong nga mga politiko nga sa senado kag kamara ang malinong apang na-infiltrate na sang China.
Ginalantaw man sini nga isa ka solusyon agud nga maresolba ang sunod-sunod nga pag-atake sang Chinese Coast Guard batok sa Philippine Coast Guard amo ang pag-invoke sang Pilipinas sang treaty sa United States (US).
Ginpahayag man sini nga bisan ang Australia ang nagapati nga reliable ang USA bilang kabulig ilabi na subong nga nagapangatubang ang Pilipinas sang krisis sa West Philippine Sea.
Nagpanawagan naman ang natungdan sa mga botante nga Filipino nga pilion ang mga masunod nga lederes nga may ikasarang nga ipakigbato ang Pilipinas, indi ang lederes nga mangin sunod-sunoran lamang sa China.
