Nag-abot na sa Iloilo ang Australian duo nga Air Supply kagab-i.
Ini amo sanday Graham Russell kag Russell Hitchcock nga nakatalana nga magpatigayon sang ila 50th anniversary concert sa City of Passi Arena subong nga adlaw, Enero 11, 2026.
Tuman naman ang kalangkag sang mga fans sa Passi City kag sa bilog nga Iloilo nga nagahulat sa ila paborito nga banda.
Nakilala ang Air Supply sang 1975 kag nangin bantog sa ila sikat nga mga kanta pareho sang “Here I Am (Just When I Thought I Was Over You),” “Even the Nights Are Better,” kag “Making Love Out of Nothing at All.”
