Nag-resign gilayon ang Austrian leader nga si Sebastian Kurz pila ka adlaw matapos gin-umpisahan ang imbestigasyon batok sa iya kaangot sa ginapahayag nakomiter nga bribery kag breach of trust.
Sa iya speech, ginpahayag ni Kurz nga luyag niya maghatag sang space agud masigurado ang “stability.”
Apisar nanaog sa pwesto, ginpanindugan sang 35-anyos nga Chancellor nga sala ang corruption allegations batok sa iya.
Ginpanginwala man sini nga gingamit niya ang kwarta sang gobyerno para sa iya pagpamulitika.
Suno kay Kurz, si Foreign Minister Alexander Schallenberg ang mangin bag-o nga chancellor sang Austria.
