DUMANGAS ILOILO– Pilason ang ginapahayag siyam ka mga biktima matapos nagbungguanay anay isa ka kotse kag jeep sa Barangay Dacutan Dumangas Iloilo.
Ang mga biktima ang ginkilala nga sanday Rosalinda Deocampo, Dexter Dilag, Sosanita Dilag, Mary Joy Villaguas, Prince Gabriel Lino, kag duha ka mga menor de edad nga sakay sang nasambit nga jeep.
Ang driver sang jeep ang ginkilala nga si Sanbert Dilag 35 anyos sang nasambit nga lugar samtang ang driver naman sang kotse ang ginkilala nga si Welmar Divinagracia sang Brgy. Ilaya 2nd sa nasambit nga banwa.
Sa interview sang Bombo Radyo kay Police Corporal Terrence Soria, imbestigador sang Dumangas Municipal Police Station, iya ginpahayag nga nagikan sa syudad si Divinagracia sa diin nag-agaway sila sang linya sang jeep nga ginamaneho ni Dilag.
Gilayun naman nga ginpadangat sa hospital ang mga biktima nga sakay sang jeep nga nakaangkon sang pilas sa ila lawas.
