ILOILO CITY–Ginahulat na lang ang autopsy report sa nagakaagnas na nga bangkay sang isa ka lalaki nga nasapwan sa creek sa Brgy. Balabago, San Joaquin, Iloilo.
Ang biktima ang ginkilala kay Recardo Paduhinog, 37-anyos kag tumandok sang Brgy. Tagaytay, Anini-y, Antique.
Sa interview sang Bombo Radyo kay Police Inspector Regie Navarra, hepe sang San Joaquin Municipal Police Station, iya ginpahayag nga ginapaidalom pa sa autopsy examination ang bangkay ni Paduhinog agud nga matul-id kun bala may foul play sa kamatayon sang biktima.
Nahibaluan nga nagakaagnas na ang bangkay sang biktima nga may yara nga nagahigot nga nylon sa liog.
Samtang, ginkumpirma naman sang himata nga may yara sang deperensya sa paminsaron ang biktima nga ginapatihan naghikog.