Nag-abanse na ang Alas Pilipinas sa semifinals sang 2024 AVC Challenge Cup matapos ginlutos ang Iran sa straight sets, 25-16, 25-13, 25-15, sa Rizal Memorial Coliseum Sabado sang gab-i, Mayo 25.
Ini man ang ikatatlo nga sunod-sunod nga kadalag-an sang Pilipinas sa preliminaries matapos ang four-set triumphs batok sa Australia kag India.
Tuyo pa sang team nga makumpleto ang sweep sa group phase sa Pool A kun atubangon na sini ang Chinese Taipei 7:00 buwas sa gab-i.
Antes sini, subong man nga Sabado, nagpatas na ang Kazakhstan sa Hong Kong sa Pool B nga may tag-duha ka daog, samtang nakaluwas naman ang Australia sa India sa four sets sa Pool A.
Wala naman sang daog nga nabulsa ang Singapore sa preliminary round matapos ginpierde sang Hong Kong (2-1) sa straight sets, 25-14, 25-12, 25-12, samtang gin-sweep naman sang Kazakhstan (2-1) ang Indonesia (1-2), 25-17, 25-13, 25-22.
