Mangin dako nga accomplishment sa career ni Filipino WBO welterweight champion John Riel Casimero kun maparetiro niya ang Cuban veteran two-time division champion nga si Guillermo Rigondeaux sa hiwaton nga boxing match subong nga adlaw sa Carson, California sa Estados Unidos .

Nagapati si MP Promotions president Sean Gibbons nga labi pa nga magasangkad ang karera ni Casimero kun mapiyerde sini ang veteran Cuban boxer.

Apang pahayag sang mga US Analysts, paborito sa gihapon sang kadam-an nga magdaog si Rigondeaux.

Sabat naman sang Pinoy three division world champion, ginasiguro niya nga ini na ang katapusan nga pagsaka sa ring sang anay two-time Olympic gold medalist nga nagpyerde kanday Filipino boxers Nonito Donaire kag Drian Francisco.