Ginapa-evacuate na sang mga awtoridad sang Nepal ang mga residente nga naga-estar malapit sa kilid sang suba matapos magluntad naman ang isa ka flashflood sa Gorkha district sa tunga nga bahin sang nasambit nga pungsod.
Lima ka tawo na ang napatay, lakip ang duwa ka babayi, tatlo ka lalaki kag padayon pa nga ginapangita nga 49 ka mga indibidwal.
Gin-anod sang baha ang ginabanta 12 ka mga balay, duwa ka suspension bridge kag isa ka taytay sa highway nga naangot sa Gorkha kag Dhading district.
Padayon nga nagataas ang tubig sa suba gani nga nagpaandam ang mga awtoridad sa mga residente sa pila ka distrito nga gilayon nga mag-evacuate.
Nagpatigayon naman sang search and rescue operations ang mga myembro sang militar kag kapulisan.
Nahibaluan nga padayon sa gihapon nga naga-recover ang Nepal matapos ang natabo man nga flashflood sang nagligad nga Agusto 2026 sa Nepal-China border kun sa diin masobra 1,400 ang napatay, samtang linibo pa ang padayon nga ginapangita.
