Nagdangat na sa P16.4 bilyon ang balor sang ayuda para sa mga small business workers ang napanagtag na sang gobyerno humalin sa kabilugan nga pondo nga P51 bilyon.
Nahibaluan nga sa idalom sang Small Business Wage Subsidy program, 3.4 milyon ka mga mamumugon gikan sa formal sector ang makabaton sang P5,000 tubtob P8,000.
Suno sa Department of Finance ang mga benepesyaryo sang nasambit nga ayuda ang gikan sa 1.4 milyon nga mga negosyo sa pungsod nga napilitan nga magsarado ukon maglimita sang ila operasyon bangud sa Coronavirus Disease pandemic.
Suno naman sa Social Security Sytem, nagdangat sa 160,000 ka mga employers ang nagpasa sang aplikasyon para sa nasambit nga ayuda.
