Mahimu na nga mabaton sang mga transport group operator ang ayuda gikan sa Land Transporation Franchising and Regulatory Board (LTFRB).
Sa interview sang Bombo Radyo kay Reymundo ‘Boyet’ Parcon, presidente sang Iloilo City Loop Alliance of Jeepney Operators and Drivers Association (ICLAJODA), iya ginpahayag nga nga gin pahibalo na sila sang LTFRB nga mahimu na nila makuha 5000 pesos nga ayuda para sa gatong.
Ang tagsa ka operator sunu kay Parcon ang magabaton sang 5,000 pesos kada unit sang jeep.
Dugang pa ni Parcon, agud makuha ang ayuda, magdala lamang sang valid ID, na fill-upan nga form halin sa LTFRB kag duha ka mga 2×2 ID picture sang driver sang jeep
Sa pihak sini, ginapaandaman man sang ICLAJODA president ang mga driver nga indi paggamiton ang ginhatag nga ayuda para sa kaugalingon nga interes.
Ang mga madakpan nga naga-abusar ang, mahimo kuhaan sang prangkisa kag ma-untat ang ginabaton nga ayuda.
Ginpanugyan naman ni Parcon sa mga Public Utility Jeepney (PUJ) operators nga kuhaon ang card sa mga driver.