Balantayan 8:30 karon sa gab-i ang hampang sa tunga sang Philippine national football team batok sa defending champion nga Thailand sa group stage sa Asean Football Federation Cup sa Bangkok.
Target sang Azkals nga makahimo sang upset batok sa War Elephants agud masagunsunan ang paglutos sini sa Brunei, 5-1, sang nagligad nga Byernes sang gab-i.
Kun lantawon ang rekord sang duha ka pungsod sa group stage, sa pagbukas sang tournament, nalutos ang Pilipinas sa Cambodia, 2-3; samtang daog naman ang Thailand batok sa Brunei, 5-0.
Magluwas sa Brunei, Cambodia, kag Thailand, kaupod man sang Pilipinas sa Group A ang Indonesia.
Ang top 2 teams amo ang maga-abanse sa knockout semis. Magalawig ang Asean Football Federation Cup tubtub sa January 16, 2023.
