(intentional blur)
ILOILO CITY-Bali ang tuo nga butkon sang isa ka babaye matapos mabungguan sang water tanker samtang nagatabok sa pedestrian lane sa Lapuz Norte, Lapaz, Iloilo City.
Ang biktima ginkilala nga si Jelyn Adre, 25 anyos,tumandok sang Poblacion, Barotac Viejo, Iloilo apang temporaryo nga nagapuyo sa nasambit nga lugar.
Sa interview sang Bombo Radyo Iloilo kay Daryl Depalubos sang PSTMO, nag-overtake sa isa ka jeep ang truck nga ginamaneho ni Roger Lacuesta sang Talongadian, Sta. Barbara, Iloilo kag wala niya nadiparahan nga nagatabok ang biktima rason nga ini ang nabungguan.
Suno naman sa driver na si Lacuesta, mahinay man ang iya pagpadalagan apang wala siya nakahingagawsa pagpreno kag nalab-ot gid sang truck ang biktima.
Padayon nga ginabulong sa ospital ang biktima samtang nagsungka naman sa otoridad ang driver sang truck.
