Patay ang isa ka babaye sa London sang ginbuno sang iya ka-relasyon matapos niya piliton nga magpa-STD test.
Suno sa imbestigasyon sang mga otoridad, gin-kilala ang biktima kay Zhe Wang, 31, nga nakit-an nga may duha ka pilas tuga sang pagbuno sa iya nawong kag may marka man sang pagkuga sa iya liog.
Nakit-an man sang mga kapulisan ang mensahe sa ila cellphone nga madamo na nga beses ginpangabay ni Wang ang suspek nga si Joshua Michals, 26, nga magpa-test sang STD, nga amo ang nagtuga sang tensyon antes ang krimen.
Dugang pa, imbes magsurrender sa mga kapulisan, ang amay pa sang suspek ang iya ginpangabay para magkadto sa abogado antes siya nagtawag sang pulis apat ka oras matapos ang insidente, kun sa diin nakit-an ang pila ka marka sang dugo sa iya panapton.
Sa karon, na-convict na si Michals sang korte kag ginakabig sang mga imbestigador nga brutal Katama ang natabo nga pag-patay.
