Ano bala ang sarang mo nga himuon agud nga indi ka pagbayaan sang imo nga nobyo?
Sa Colombia, isa ka 37 anyos nga babayi ang naghimo-hmo sang istorya nga nagabusong siya apisar nga wala agud nga indi lang siya pagbayaan sang iya nga nobyo.
Madugay na nga magkarelasyon sanday Antonela Santiago Padilla kag Victor umpisa sang 14 anyos pa lamang sila.
Apang nagbulagay ang duha sang mahibaluan ni Antonela nga ginatunto siya ni Victor sa diin may yara pa ini sang iban pa gid nga babayi.
Bangud sini, gintinguhaan pa ni Victor nga kaayuhon ang ila relasyon kag ginpasaylo man siya ni Antonela.
Nag-umpisa liwat ang romatic relationship sang duha apang nahibaluan na lamang ni Antonela nga padayon sa gihapon nagakitaay si Victor kag ang iya other woman.
Nadesisyonan na lamang ni Antonela nga magpakuno-kuno nga nagabusong agud nga indi na siya pagluiban sang iya nga nobya kag indi man pagbayaan.
Sa una nga pagkabalo ni Victor, nalipay ini bangud mangin tatay na siya kag ginkalipay man ni Antonela nga nagtinir ang nobyo niya sa iya.
Makaligad ang siyam ka bulan nga pagpakuno-kuno ni Antonela nga nagabusong, iya naman na desisyonan nga maghimo sang istorya agud nga indi mahibaluan sang iya nobyo nga ginpeke niya ang iya pagbusong.
Ginpahayag ni Antonela nga ginkidnap siya sang gang members kag ginkuha ang iya nga bata.
Apang wala gilayon nagpati si Victor sa diin nagpakitluoy siya kay Antonela nga ihambal ang kamatuoran.
Gin-ako ni Antonela nga naluoy siya kay Victor bangud nakit-an niya sa mga mata sang iya nobyo nga tuman ini nga nasakitan.
Nakonsensya man si Antonela sa iya nga ginhimo nga pagpanunto sa iya nobyo kag gin-ako na lang ang iya nga sala.
Nagpanindugan man ang babayi nga bangud sa paghigugma kun ngaa iya nahimo ang nasambit nga butang.
