Isa ka babaye nga nagsulod sa imburnal para magpangita sang pagkaon ang gin-rescue sa Bula-Lagao Road sa General Santos City.
Nakit-an ini sang isa ka tricycle driver kun sa diin nagahibi ang amo nga babaye kag nagapangayo sang bulig gani ginpahibalo niya ini sa otoridad.
Kaupod ang mga pulis, nagresponde ang mga tinawo sang Barangay Bula, Bureau of Fire Protection, kag City Disaster Risk Reduction and Management Office.
Ila ginkuha ang kongkreto nga takop sang imburnal kag ginbuligan ang babaye nga makagwa apang bangud nabudlayan ini nga magginhawa, ginhatagan siya sang breathing apparatus kag natigayon nga mapagwa sa imburnal kag nadala sa ospital.
Nakilala ang babaye nga nagaedad sang 23-anyos nga residente sang Cotabato Province.
Sa imbestigasyon, naligo sa dagat ang babaye ka nagsulod sa isa ka kanal agud mangita sang pagkaon.
Nagkamang ini sang ginabanta 300 metros kag nabudlayan na ini nga magbalik.
Yara na sa maayo nga kondisyon ang babaye.
