Dakop ang isa ka babaye nga ginakabig nga high value drug personality matapos nga nakuhaan sang P680,000 nga suspected shabu sa Brgy. Tanza Bonifacio, Iloilo City Proper.
Ang subject amo si Alias Inday, 28-anyos, single, residente sang nasambit nga lugar.
Sa interview sang Bombo Radyo kay Police Captain Michael Tuburan, Hepe sang Iloilo City Police Station 7, iya ginpahayag nga na-recover sa subject ang 18 ka sachets sang ginapatihan shabu nga may kabug-aton nga 100 grams.
Nakuha man kay Alias Inday ang dugang nga isa ka sachet sang buy bust item kag P15,000 naman ang buybust money nga nagamit sa pag-transact sa iya.
Suno kay Tuburan, ginahibalo pa ang posible sources ni Alias Inday.
Nakakustodiya na sa ICPS 7 ang subject kag nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
