Gin-aresto sang otoridad ang isa ka 30-anyos nga babaye nga accountant matapos gindispalko ang kapin P900,000 sang ila nga kumpaniya bangud naadik ini a online nga sugal.
Ang suspek amo si alyas Danica sang Bacolod City kag may kaso nga 40 counts sang qualified theft nga ginpasaka sang kumpaniya nga ginaubrahan sini.
Suno sa imbestigasyon, isa ka dekada na nga nagatrabaho sa amo nga kumpaniya ang suspek gani dako ang pagsalig sa iya.
Naggwa man sa imbestigasyon nga nagalab-t sa P500,000- P1,000,000 ang gina-remit sang salesman sang kumpaniya sa suspect kag nagakuha ini sang P10,000- P20,000 agud itaya sa online sabong kada semana.
Nadiskubre ang modus sang suspek sang gin-audit ang kita kag gasto sang ila nga operasyon.
Gin-ako naman sang suspek ang nahimo nga sala.
Ginrekomenda sang korte ang piyansa nga P1.3 milyon para sa iya temporary nga kahilwayan.
