Arestado ang isa ka dismissed nga ladycop matapos marekober sa iya ang 45 gramo sang shabu sa buy-bust operation sa Sagay City, Negros Occidental.
Ang suspek amo si alyas “Tata”, 30-anyos kag isa ka former Patrolwoman.
Suno sa otoridad, nakabaton sila sang impormasyon nga may nagaduso sang druga sa lugar rason nga ginpatigayon ang surveillance kag ginkasa ang operasyon.
Narekober man sa iya ang isa ka cal. 45 caliber pistol nga may isa ka magazine kag lima ka bala.
Wala ini sang may napakita nga dokumento nga legal ang pag-angkon sini sang armas.
Nahibaluan nga ang suspek ang ulihi nga assigned sa Police Regional Office (PRO) 6 kag na-suspend sang Enero 2021.
Na-dismiss ini sang Oktubre 2023 bangud sa iya pag-Absent Without Official Leave.
