Arestado ang isa ka public school teacher sa Dagupan City bangud sa kaso nga child abuse.
May yara ini sang warrant bangud sa ginaalegar paglapas sa Special Protection of Children Against Abuse, Exploitation and Discrimination Act.
Suno sa otoridad, ang ginaalegar nga pag-abuso ang natabo sa barangay kag indi sa eskwelahan.
Yara na ini sa kustodiya sang Dagupan City Police.
Gintugutan man ini makapiyansa sang P80,000 para sa iya temporaryo nga kahilwayan.
Hugot naman nga ginpanginwala sang amo nga manunudlo ang akusasyon.
Wala na gindetalye sang otoridad ang kaso bilang paghatag proteksyon sa bata nga involved.
