Sa mga paindis-indis sa pagkanta masami nga nagadaog ang singer nga may yara sang mas mataas nga tingog.
Apang sa pungsod Wales sa United Kingdom may yara sang pinasahi nga singer nga ginpasidunggan sa pinasahi nga paagi.
Ang singer nga si Helen Leahey ang ginbansagan nga “Bass Queen” sang Guinness World Record matapos malab-ot sini ang pinakanubo nga vocal note nga ginkanta sang isa ka babayi nga singer.
Ang pagkanta ni Helen gintakos gamit ang nagkalain-lain nga equipment sa Music School Wagnet sa Koblenz pungsod Germany sa diin nalab-ot nya ang nota humalin sa D5 tubtob D2 sa 72.5 hertz kag gin agaw niya ang nagligad nga record nga E2 sa 82.4 hertz.
Suno kay Leahey, handom niya humalin sang bata pa ini nga mangin kabahin sang Guiness World Record kag bisan diin siya magkanta masami nga naga bilib ang mga tawo bangud sa kanubuon sang iya nga tingog.
