Isa ka babaye ang ginakabiliban sang kadam-an bangud sang istilo sini kun paano nalikawan nga mapreso apisar nga napamatud-an na nga guilty siya sa isa ka krimen.
Ini nga babaye ginkilala kay Chen Hong, taga-China, kag ginsentensyahan sang apat ka tuig nga pagkapreso bangud sa fraud.
Sang Disyembre 2020 pa siya na-convict sa Shanxi province.
Apang tubtub subong, wala pa siya gihapon na-preso. Ang iya style? Sa masobra apat ka tuig, tatlo ka beses na siya nga nagbusong.
Sa China, ang mga indibidwal nga may prison sentences ang mahimo nga magserbe sang ila nga sentensya sa guwa sang presuhan kun may yara sila sang serious medical conditions, kun sila ang nagabusong, kun sila ang may lapsag nga kinahanglan atenderon, kag kun indi nila matatapan ang ila kaugalingon nga sila lang.
Antes sila makaserbe sa guwa sang presuhan, ginaaprubahan man ini sang korte, kag kun may approval na, may yara sang istrikto nga supervision halin sa ila nga community correctional institutions.
Sa kaso ni Chen, natukiban nga ang iya ikatatlo nga bata ang ginhatag niya sa iya nga bayaw. Gin-ako man sini nga nagbulagay na sila sang iya bana, kag ang bana amo ang nagtatap sang iya una nga duha ka bata.
Nagapati ang local public prosecutor nga ginhungod ni Chen nga magpabusong para nga indi siya mapreso.
Sa baylo naman nga sa presuhan, ginbalik siya sa detention center agud nga tapuson ang iya nga jail term.
