Indi matupungan ang kalipay nga nabatyagan sang isa ka babaye matapos nga nabalik sa iya ang iya nadula nga wallet paagi sa Bombo Radyo Iloilo.
Sa interview sang Bombo Radyo kay Alma Montilijao, nagapanag-iya sang wallet, iya ginpahayag nga nagpangluya gid siya sang nahibaluan nga wala na ang iya wallet samtang ini ang nagapauli.
Suno kay Montilijao, tuman ang iya kalipay sang gintawgan siya sang iya nga tiyo agud ipahibalo nga nabatian niya nga yara sa Bombo Radyo ang iya nga wallet kag may nag-surrender.
Indi lamang ang iya tiyo ang nakabati sa Bombo Radyo sang panawagan bangud halos tanan sa ila barangay ang nakahibalo nga nadula ang iya wallet rason man nga masig-pamangkot na lang sa iya.
Dako naman ang pagpasalamat sang natungdan sa taxi driver nga si Joemarie Tiro, residente sang Brgy. Cadabdab, Tubungan, Iloilo matapos nga gin-surrender sini ang wallet sa Bombo Radyo sa Sky City Tower, Mapa St., City Proper.
Dako naman ang pagpati sang taxi driver sang Guadalupe Taxi nga si Joemarie Tiro sa Bombo Radyo Iloilo nga mabalik sa tag-iya ang wallet kon ini ang mapanawagan sa kahanginan.
Nagpasalamat man ini sa estasyon sang Bombo Radyo bangud nangin palaagyan ini agud mabalik sa tag-iya ang nadula nga wallet.
