Mabuot, mabinugnuhon kag mapisan nga sahi sang tawo ang pagkilala sang mga residente sang Barangay Jalandoni Estate Lapuz, Iloilo City sa babaye nga nadakpan nga nangawat sang bibliya sa sulod sang isa ka mall sa Barangay Roxas Village, Iloilo City Proper.
Siya amo si Ligaya Pioquid, 55 kag residente sang Barangay Jalandoni Estate Lapuz.
Sa interview sang Bombo Radyo kay Leonito Bareta, kasilingan ni Pioquid, iya ginpahayag nga ginkakibot nila ang kaangtanan sang babaye sa pagpangawat bangud maayo gid ini nga tawo kag ma-inabyanon.
Suno kay Bareta, mapisan man si Pioquid kag madamo sang kustomer sa pagpanghilot.
Nahibaluan nga indi na lang pagdayunon ang inquest proceedings kay Pioquid bangud magapasaka na lang sang kaso pinaagi sa regular filing ang management sang book store.
Tuig 2013, 2015, 2018 kag 2021 sang nadakpan man si Pioquid bangud sa pag-shoplift kag may rekord man nga kaso sang pagpangawat.
