Nasapwan nga wala na sang kabuhi ang isa ka babaye sa iya kwarto sa Brgy. Sta. Cruz Arevalo, Iloilo City.
Ang biktima amo si Honey Bee Victoriano, 36-anyos, isa ka caretaker, kag residente sang Brgy. Lapac, San Remegio, Antique.
Sa interview sang Bombo Radyo kay Police Staff Sergeant Vergel Deatras, Imbestigador sang Iloilo City Police Station 6, iya ginpahayag nga nakatalana nga ipaidalom ang bangkay sang biktima sa autopsy test.
Suno kay Deatras, posible nga indi magnubo sa tatlo ka adlaw nga napatay ang biktima antes nga nasapwan nga wala na sang kabuhi.
Gintuad man sini nga santo sa pahayag sang isa ka street sweeper nga ulihi nakakita sa biktima, nakit-an pa sini nga nagapungko si Victoriano Marso 7, 2025 sang aga.
Indi pa man matumod sang natungdan kon may foul play nga natabo sa biktima.
Yara naman sa state of decomposition ang bangkay ni Victoriano sang ini ang nasapwan rason nga mabudlay matumod kon ini ang may pilas.
Padayon naman nga ginaimbestigaran sang Scene of Crime Operations (SOCO) ang insidente agud matul-id ang kabangdanan sang kamatayon sang biktima.
