Ginbawian sang kabuhi ang isa ka babaye matapos nga ginlasak sang truck sa President Roxas, Cotabato.
Sakay sa motorsiklo ang biktima sang gintuyo sini nga mag-overtake sa ginasundan nga dumptruck apang disgrasya nga nabungguan sang nagasunod nga truck.
Wala nakapreno ang driver rason nga nalasakan gid sini ang biktima.
Gintinguhaan pa nga madala sa ospital ang babaye apang wala gid nakaluwas sa kamatayon.
Yara na subong sa paghinakop sang President Roxas Municipal Police Station ang driver sang truck samtang padayon ang imbestigasyon.
