Pila na bala kamo ka tuig nga magka-relasyon sang imo nobyo?
Nagahulat ka man bala nga mag propose man siya sa imo?
Mangin pasensyoso lang ukon maghulat sang insakto nga tion bangud posible nga ginapalanuhan naman niya ina.
Indi lang kuntani maglab-ot sa punto nga ireklamo mo sa korte ang imo nobyo bangud sa kakapoy mo nga maghulat nga hagadon ka niya nga magpakasal.
Ini ang natabo sa magkahagugnma sa Kenya sa diin ginreklamo ni Gertrude Ngoma ang iya nobyo sa Korte nga sa sulod sang ila walo ka tuig nga relasyon, wala gid nakadesisyon ang lalaki nga si Herbert Salaliki nga mag-propose sa iya.
Suno kay Ngoma, ginpromisa sa iya mismo sang nobyo nga pakaslan niya ini apang nakapoy na ini maghulat kun san-o gid man bala ini matabo.
Apang indi lamang ina ang rason sa pagreklamo niya sa iya nobyo kundi isa pa amo ang pagpakig-istorya ini sa iban nga babaye pinaagi sa text.
Base naman sa husgado, wala sila may mahimo sa luyag nga matabo ni Ngoma sa diin wala sang basehan nga mapasakaan sang kaso ang lalaki magluwas lang kun kasado ang mga ini.
