ILOILO CITY- Sa subong nga moderno nga panahon kag bangud sa ginapangatubang nga pandemya, napuslan gid sang kalabanan ang video conference calls para sa mga meetings nga indi na kinahanglan magtingob sa isa lang ka venue.
Tuman ka convenient ini sa kalabanan basta may internet ka lang apang siguraduhon mo man nga bisan ara ka lang sa imo balay, presentable ka man.
Ini ang ginhimo sang isa ka babaye nga ginhingalitan ini nga convenience paagi sa pagtambong sa mga zoom meetings nga isa ka klase sang bayo lang gid ang iya ginasuksok.
Ini amo ang isa ka Hawaiian shirt nga iya ginsuksok sang 264 ka beses.
Gindumdom ni Jackie, isa ka empleyado sa non-profit organization sa Washington DC nga manotaran sang iya mga kaupod sa trabaho nga ginasulit-sulit lang niya ang iya bayo.
Sa wala ginalauman, bisan isa ang wala gid naka-notice sa iya bayo nga ginsuksok niya sang 264 times.
Didto narealisar ni Jackie nga indi tanan nga tawo may labot sa kon ano ang bayo ukon itsura mo bangud ang mas importante amo nga kon ano ang mahimo mo ilabi na kon ang ginaistoryahan amo ang imo performance sa trabaho.
