Sa sini nga panahon sa diin bantog na ang social media, nagatulog ka pa bala?
Sang kita gagmay pa, kilala na naton si sleeping beauty kag indi naton mahangpan kun paano ini nagtulog sang kapin 18 ka tuig.
Apang nakahibalo ka bala nga may yara isa ka babaye nga ginapahayag real-life sleeping beauty bangud kun magtulog nagakalab-ot duwa ka bulan?Ini amo si Sharik Tovar, 17 anyos sang Colombia .
Nagasuprir si Tovar sang sakit nga Kleine-Levin syndrome ukon mas kilala nga “Sleeping Beauty” syndrome kag ginatawag man sang mga eksperto nga hypersomnia.
Ang ini nga pinasahi nga masakit ang nagalakip sang tuman kalawig nga pagtulog, pagbag-o sang behavior, kag pagkadulan sang memorya.
Suno sa nanay ni Tovar, ginapakaon lang niya ini sang masabaw nga pagkaon.
Nagpangayo naman sang bulig ang nanay ni Tovar sa mga health experts bangud tuman ang kabudlay sini sa pag-atipan sang iya nga bata.
