ILOILO CITY – Pagkapisan, pagkabakod kag pagsalig sa Ginuo ang nangin salandigan sang President kag Chief Executive Officer sang F&E Group of Companies agud nga pamunu-an ang ila kompaniya.
Sa Good Morning Philippines program, ginpahayag ni Mrs. Filamie Aguillon, Chairman of the Board, President kag Chief Executive Officer sang F&E Group of Companies, nga indi lamang ang mga lalaki ang makasarang nga magpamuno ilabi na sa patag sang pagnegosyo.
Subong nga International Women’s Day suno kay Aguillon, dapat nga dumdumon sang tanan ang abilidad kag ikasarang sang mga babayi nga magpamuno ukon magpangibabaw sa ginpili nga career.
Suno kay Aguillon, bilang pinuno sang ila kompaniya, wala nangin mahapos ang iya gin-agyan ilabi pa nga siya na lang ang nagatindog nga amay kag iloy sa iya duha ka kabataan matapos nagtaliwan ang bana.
Ang pagpanghangkat suno sa natungdan ang duna na sa kalibutan rason nga indi dapat nga mag-ampo ukon mag-untat tubtub nga indi malab-ot ang handum sa kabuhi.
