Naluwas sang mga katapo sang Bureau of Fire Protection (BFP) ang isa ka babayi nga nahulog sa bubon sa Veterans Village, Iloilo City.
Ang biktima amo si Liezel Dumogho, alyas Kutang, 26 anyos.
Ginapahayag nga ang biktima ang may yara sang kuyap kag padayon na subong nga ginabulong sa ospital.
Sa interview sang Bombo Radyo kay Girlie Santander, residente sang Veterans Village, iya ginpahayag nga nagapanukot si Kutang bilang bayad sa pagsugo sa iya nga maghaboy sang basura.
Matapos nga naghaboy sang basura si Kutang, nakit-an ni Santander nga nagapungko siya sa bubon kag gilayon na lang ini nga nahulog.
Nag-angkon naman sang pilas sa mata, lagob sa nawong kag may pilas man sa likod si Kutang.
