ILOILO CITY–Nagsambil gid ang bibig kag nagkakas ang pang-ibabaw nga mga ngipon sang isa ka babayi matapos nga ginsapote sang anay ka live-in partner sa Jaro, Iloilo City.
Sa interview sang Bombo Radyo kay alyas Mau, 27-anyos sang Brgy. Benidicto, Jaro, Iloilo City, iya ginpahayag nga ginbantayan siya sang anay ka live-in partner nga ginkilala kay alyas Toto, 28-anyos sang Brgy. Duran, City Proper sa guwa sang iya ginadayunan nga puluy-an kag ginsapote.
Sunu kay alyas Mau, nag-alburoto si alyas Toto sang nahibaluan nga madamo siyasang karelasyon bisan pa nga nagbulagay sila tatlo na ka semana ang nagligad.
Pagpangimon suno kay Alyas Mau ang rason sang pagsakit sa iya sang anay ka live-in partner.
Samtang, ginpahayag naman ni alyas Toto nga lunsay kabutigan lang ang pahayag ni alyas Mau nga bulagay na sila nga duha.
Sunu kay alyas Toto, na impito siya matapos natukiban nga liwat naman nga nagpanglalaki si alyas Mau kasubong sang natabo sang una.