ILOILO CITY – Na-ospital ang 19-anyos nga babayi matapos magtuyo maghikog paagi sa pagbuno sang iya kaugalingon.
Ang biktima nga ginkilala kay “Inday”, indi niya matuod nga pangalan, ang tumandok sang Lambunao, Iloilo.
Bag-o lang nag-graduate sa Grade 12 ang biktima kag magapa-enroll kuntani sa kurso nga Tourism.
Suno sa iloy sang iya classmate nga si Melanie sang Molo, Iloilo City sa diin temporaryo nga nagatinir ang biktima, antes ang natabo, ginhagad pa ni Inday ang iya bata nga mag-inom.
Sang nahubog na, nakibot na gid lang sila nga ginkuha sini ang kutsilyo nga gina-gamit sa pagsaksak sang ice kag amo ang gin-gamit sa pagbuno sang iya kaugalingon.
Ang pagkahuya sa pagpangayo sang allowance sa iya iloy ang ginapahayag rason sang pagbuno sang biktima sa iya kaugalingon.
Nakibot naman ang amay ni Inday nga isa ka taxi driver, sa natabo.
Suno sa amay nga wala na lang nagpahingalan, wala man sang kun ano nga problema nga nasugid ang iya bata.