ILOILO CITY–Ginahibalo pa sang otoridad ang gintunaan sang kamatayon sang 21-anyos nga babayi nga napaswan-patay sa suba sa Brgy. Tamangin, San Dionisio, Iloilo.
Sa interview sang Bombo Radyo kay Police Senior Inspector Marvin Buenavista, hepe sang San Dionisio Municipal Police Station, iya ginpahayag nga indi pa gid matul-id ang gintunaan sang kamatayon sang biktima nga ginkilala kay Chrisna Rodrigo, 21-anyos sang Barangay Talo-ato sang nasambit nga banwa.
Sunu kay Buenavista, wala sang may nakita nga pilas sa lawas sang biktima rasun nga madamo sang anggulo nga ila ginatan-aw ang mga otoridad.
Dugang pa sang natungdan, isa ka residente sang nasambit nga lugar ang nakakita sa biktima nga naga utaw-utaw sa suba.
Nahibaluan nga igapaidalom sa autopsy examination ang bangkay sang biktima agud nga mahibaluan ang rasun sang iya kamatayon.
Sunu kay Buenavista, wala sang may nakita nga pilas sa lawas sang biktima rasun nga madamo sang anggulo nga ila ginatan-aw ang mga otoridad.
Dugang pa sang natungdan, isa ka residente sang nasambit nga lugar ang nakakita sa biktima nga naga utaw-utaw sa suba.
Nahibaluan nga igapaidalom sa autopsy examination ang bangkay sang biktima agud nga mahibaluan ang rasun sang iya kamatayon.
Sunu sa kay April Granja, Barangay Kagawad sang Brgy. Tamangi, wala na sang pang-idalom nga panapton ang biktima sang masapwan nga naga utaw-utaw sa suba.
Dugang pa ni Granja, indi pa sa gihapon matul-id ang gintunaan sang kamatayon ni Rodrigo apang daku ang posibilidad nga ginhimuslan ang biktima.
