ILOILO – Dead on arrival sa Iloilo Provincial Hospital ang isa ka babayi matapos maigu sang kilat sa Brgy. Janipa-an East, Mina, Iloilo.
Ang biktima amo si Eufronia Alipat, 55, kag residente sang nasambit nga barangay.
Sa interview sang Bombo Radyo kay Police Lt. Ginna Fernandez, hepe sang Mina Municipal Police Station, iya ginpahayag nga nagkadto si Alipat sa likod sang iya nga balay agud magbahog sang baboy sang hinali lang nga na-igo ini sang kilat.
Suno kay Fernandez, gilayon pa nga gindala sang Mina Emergency Response Team sa ospital ang biktima apang gindeklarar nga patay na.
Pahayag sang natungdan nga nag-angkon sang madamo nga pilas kag lagob ang biktima sa iya lawas.
