ILOILO CITY–Patay ang 25 anyos nga babayi matapos ginlasak sang truck sa Brgy. Camangahan, Guimbal, Iloilo.
Ang biktima amo si Mylene Tabumfama sang Brgy. Balicua, Tubungan, Iloilo.
Suno kay Police Senior Inspector Antonio Monreal, hepe sang Guimbal Municipal Police Station, nagasakay si Tambumfama sa motorsiklo nga ginamaneho sang iya kaupod sa trabaho.
Ginapahayag nga nag-overtake ang motorsiklo sa truck apang sa malain nga palad, nadanlog ini rason nga nahulog si Tabumfama kag nalasak sang truck ang iya nga ulo.
Gindala pa ang biktima sa ospital apang gindeklarar nga dead on arrival.
Ginkustodiya naman sang Guimbal PNP ang driver sang truck nga si Bernardo Herbito.