ESTANCIA, ILOILO- Naga utaw-utaw na sa baybayon ang bangkay sang isa ka babayi sa banwa sang Estancia, Iloilo.
Ang biktima ang ginkilala nga si Melisa Vilches, 37 sang Brgy. Salong, Batad, Iloilo.
Sa interview sang Bombo Radyo kay Police Major Rene Obregon, hepe sang Estancia Municipal Police Station, iya ginpahayag nga nagpadulong sa higad sang baybay ang biktima agud kun tani nga magpanginhas.
Suno kay Obregon, posible nga gin-atake sang kuyap ang biktima nga gintunaan sang iya pagkalumos.
Wala naman suno kay Obregon sang patal nga pilas sang biktima magluwas sa pila ka mga pilas nga posible tuga man sang pagbunggo sa mga bato samtang nagabalod.
