ILOILO CITY – Ginkakibot sang isa ka babayi sang iya makit-an ang hubog nga security guard nga nagahigda na sa iya nga kama sa Tagbak, Jaro Iloilo City.
Ginreklamo ni alyas Grace si alyas Tisoy nga isa ka security guard sa amo man nga lugar.
Santu sa blotter report ni Grace iya ginpahayag nga sang siya ang nagsulod sa iya ginarentahan nga kwarto, nakibot na lamang siya nga ang guard ang yara na sa iya nga kama kag wala pa sang panapton.
Madalagan paguwa na kuntani si Grace apang naakig ang hubog nga gwardya kag ginhaboy pa ang babayi sang mga pagkabutang sa sulod sang iya nga kwarto.
Ginrefer naman sa Barangay Lupon ang reklamo ni Grace.
