ILOILO CITY – Kadungan sang pagdugok sang tawo nga nagapadulong sa probinsya sang Guimaras, nagpahanumdom ang African Task Force- Guimaras nga wala ginapahanugutan ang pagpasulod sang pork kag pork products sa probinsya.
Sa interview sang Bombo Radyo kay Mylyn Ga, myembro sang task force, iya ginpahayag nga ang tanan nga baboy, hilaw man ukon luto na, ang gina-confiscate sa Parola Wharf.
Ang mga gina-confiscate nga wala na ginakuha sang tag-iya ang ginahatag sang task force sa isa ka charity organization.
Kung madumduman, nagpagwa sang executive order si Governor JC Rahman A. Nava nga naga-ban sang entry sang live hogs, pork products kag by-products kasunod sang na-record nga kaso sang African Swine Fever sa probinsya sang Iloilo.
Ang probinsya sang Guimaras ang naka-record man sang kaso sang African Swine Fever sa duha nila ka mga banwa.
