ILOILO CITY — Ginkatingala sang Philippine Drug Enforcement Agency (PDEA) Region 6 kung ngaa baboy talonon ang nagabantay sa puluy-an ni No.1 Drug Personality Richard Prevendido sa Brgy. Bakhaw Mandurriao Iloilo City.
Suno kay Levy Ortiz, Asst. Regional Director sang PDEA 6, ginbalikan nila ang balay ni Prevendido agud hibalu-on kung nakapauli ini kag ila iserbe ang warrant of arrest apang sa kakibot nila, itom nga baboy talunon ang nag-sug-alaw sa ila kag wala na sang tawo ang balay.
Nahibaluan nga padayon nga ginaayam sang otoridad si Prevendido nga may masobra na isa ka million ka pesos nga patong sa iya ulo.